كيدالرجال ولاكيدالنساء

الحكايه وما فيها كان في واحده ماشيه في السوق لقيت شاب جميل قاعد في

المحل

بتاعه وكاتب يافته علي دكانه (كيد الرجال ..غلب كيد النسا ) طبعا هي اتغاظت اوي

وقررت تروحله الدكان وقعدت تغزل فيه وتدلع فيه وفي الاخر الحلو وقع في المصيده

وقالها انا عايز اتجوزك مين ابوكي راحت قالتله ابويا قاضي البلد

لكن علي فكرة بابا مش راضي يجوزني وكل واحد يتقدم لخطبتي يقوله اني هتمه

ودميمه الشكل (يعني وحشه اوي ) علشان كده لو قالك نفس الكلام قوله يكفيني

شرف مصاهرتك وفعلا بعد العصر راح هو مجموعه من التجار للقاضي وطلب ايد

بنته منه وقال نفس اللي قالته البنت وهو قاله انا اتشرف بنسبك ومش مهم الجمال

وفعلا كتب الكتاب وليله الدخله يامعلم توقع ايه اللي حصل؟

فكر شويه؟؟؟؟

مستعجل ليه؟؟؟؟؟

خلاص هاقولك وامري الي الله

لما دخل عليها غرفه النوم لقي واحده غير اللي كانت بتكلمه والمصيبه الاكبر

انها فعلا وحشه جدا (

ومش بتتكلم طبعا صاحبنا غطي وشها وطلع يجري وفي تاني يوم وهو في المحل

بتاعه جاتله البنت الاولي وهي هاتموت علي نفسها من الضحك المهم طلب منها

مخرج من الجوازه اللي اكيد هاطول العمر

قالتله غير اليافطه واكتب(كيد النسا غلب كيد الرجال ) وانا هانقذك منها

طبعا هو عمل فيها السبع رجاله في بعض ورفض لكن بعد كام يوم غصب عنه

وافق وكتب نفذ اللي كانت عايزاه وراحت قالتله انت احسن حاجه تجيب الغجر

والرقاصات والعرباجيه والخمورجيه والصايعين وخدهم معاك وقابل القاضي

وقدمهم للقاضي علي انهم اقاربك وفعلا راح للقاضي وعمل كده طبعا هو اتضايق

اوي لما شاف جوز بنته نسبه مش حلو وراح قايل للشاب اعمل معروف يابني

خد فلوسك وطلق بنتي وانت اتجوز بنت حلوه وروشه تدلعك وتهنيك وسيب بنتي

وطلقها وفعلا طلق بنت القاضي وراح لابو البنت الاولي واتجوزها

ومن يومها هو كاتب علي المحل ( كيــــــد النســـــا غلــــب كيـــــــد الرجـــــــال